ئەو كاتەی لە پەیوەندی یان سەرەتای ژیانی هاوسەرگیری ساخود لە هەر پەیوەندییەكی دیكەدایت، لەبەر ئەوەی باش كەسەكە ناناسیت، دڵنیانیت لەوەی ئایا كەسە گونجاوەكەیە، یان جێی پرسیارە، بەڵام رەفتارەكانی دەكرێت ئاڵای سور یان ئاڵای سەوز بن.
بەم رەفتارانە دەتوانیت ئاڵا سورەكان بناسیتەوە
1. سەرنجی وزەكەت بدە
هیچ كاتێك لەگەڵ كەسێكدا بویت كە هەست بە خراپی بكەیت؟ ئەوە نیشانەیە، سەرنجی ئەوەبدە لەگەڵ ئەو كەسەی خۆشتەوێ چ هەستێكت هەیە، چونكە لە زۆرینەی كاتەكاندا هەستەكانت درۆت لەگەڵ ناكەن.
2. شێوازی مامەڵە لەگەڵ بێگانە
دەتەوێت كەسێك بناسیت چۆنە؟ سەرنجی ئەوە بدە مامەڵەی لەگەڵ بێگانە چۆنە، وەكو گارسۆن، شۆفێر یان كەسێك كە نەتوانێت هیچ ببەخشێت، لێرەدا بەڕاستی كەسایەتی خۆیان دەردەخەن.
3. گۆڕینی زمان
كاتێك پێتدەڵێت، “تۆ زیادەڕەوی دەكەیت”، “گاڵتەم كرد” یان “خەتای تۆیە كە هەستەكانم بەمشێوەیەن”، كاتی ئەوەیە چاوێت بە پەیوەندییەكە بخشێنیتەوە.
4. خود سەنتەری
ئەگەر هەمیشە قسەكانتان لە چوارچێوەی خۆی خولایەوە كە بەردەوام باسی سەركەوتنەكانی بكات، لە رۆژەكەی تۆ نەپرسێت یان گوێت بۆ نەگرێت، ئاڵایەكی سوری گەورەیە.
5. سەرنجی گۆڕانەكان بدە
وشەكان یەك شت دەڵێن، بەڵام كردار زۆر شت دەڵێت، ئەگەر بەڵینیاندا بگۆڕێن، بەڵام نەگۆڕان، داوای لێبوردنیانكرد و وەكو خۆیان مانەوە، یان وتی متمانەم پێبكە و كارێكی كرد گومان دروستكەی، وەڵامەكەی خۆتت وەرگرتوە.
6. سەرنجی پەیوەندییەكانی دیكەت بدە
زۆركات كە خۆت لەناو پەیوەندییەكەیت هەست ناكەیت بەرامبەرەكەت كەسە گونجاوەكە یان نا، بەڵام چواردەورت ئاسان هەستی پێبدەكەن، بۆیە ئەگەر زیاتر لە چەند كەسێكی جیاواز لەو كەسە ئاگاداریكردیتەوە، كاتی ئەوەیە بە لۆژیكی بیربكەیتەوە.
