بانگهێشتنامە و بانگەواز !
ڕێکخراوی ڕێگای ئازادی لە ساڵیادی تیرۆرکردنی کاوە گەرمیانیدا لە ژێر ناونیشانی ” نا بۆ کپکردنی ئازادیخوازان و دروستکردنی ئاستەنگ و ڕێگری لە ڕاگەیاندنی ئازاد لە عێراق و هەرێمی کوردستان.” گردبونەوەی جەماوەری ڕێکدەخات بەئامانجی:
١- بەرزڕاگرتنی ساڵیادی تیرۆرکردنی کاوە گەرمیانی و سەرزەنشتکردنی بکوژانی پشت ئەم کارە قێزەونە و ڕێزگرتن لە شەهیدانی ڕێگای ئازادی.
٢-پاڵپشتیکردنی یاداشتنامەی ئامادەکراوی ڕێکخراوی ڕێگای ئازادی بەمەبەستی ئاگادارکردنەوەی کۆمەڵگەی نێودەوڵەتی لەبارەی پێشێلکاریەکانی بەرامبەر ئازادیخوازان و ڕۆژنامەنووسان و دروستکردنی ئاستەنگ و ڕێگری لە ڕاگەیاندنی ئازاد لە عێراق و هەرێمی کوردستان دەکرێت.
٣- بەرزکردنەوەی ئاستی هۆشیاری و ئاگادارکردنەوەی کۆمەڵگەی نێودەوڵەتی لە خراپتربوونی بارودۆخی ئازادی ڕۆژنامەگەری و مافی مرۆڤ لە عێراق و هەرێمی کوردستان.
٤- داوای دادپەروەری و لێپرسینەوە لەو کەسانەی کە بەرپرسیارن لەو تاوان و پێشێلکاریانەی کە دژی ڕۆژنامەنووسان و چالاکوانان و میدیای ئازاد و خەڵکی ئازادیخوازان ئەنجام دەدرێن.
٥- پشتیوانیکردن لە خەباتی مەدەنی و ئاشتی و دیموکراسی وەک ئامرازێکی ڕەوا و بەهێز بۆ گۆڕانکاری هۆشیارکردنەوەی تاکی کورد.
زانیاری دەربارەی گردبوونەوەکان:
ڕۆژی پێنج شەمە
١٢/٤/ ٢٠٢٥
کاتژمێر ١٢:٠٠ی پاشنیوەڕۆ
شوێنی خۆپیشاندانەکە لەم شارانەی خوارەوە :
لەندەن / بەردەم کونسوڵخانەی عیراق
21 Queen’s Gate, South Kensington, London SW7 5JE
بێرمینگهام / بەردەم کەنیسەکە
St Chads Cathedral, Birmingham B4 6HJ
مانچستەر/ بەردەم سەفارەتی عێراق
1 Norfolk st, Manchester, M2 1DW
گلاسگۆ / تەنیشت پردی گڵاسگۆ
La pasionaria, 286 Clyde St, Glasgow, G. 4.L
بانگێشتی تەواوی چالاکوانان و ڕەوەندی کوردی لەبەریتانیا دەکەین بەژداری ئەم گردبوونەوەیە بکەن بۆ ئەوەی بەیەکەوە دەنگمان بەرز بکەینەوە و دژی توندوتیژی و ئازاردانی ڕۆژنامە نووس و چالاکوانان و پێشێلکردنی مافەکانی مرۆڤ لە عیراق و هەرێمی کوردستان بوەستینەوە . بوونی ئێوە خەبات بۆ دادپەروەری بەهێز دەکات و بەیەکەوە پەرە بە ڕێباز و خەباتی مەدەنیانەی شەهید کاوە و گشت شەهیدانی قەڵەم و ڕێگای ئازادی دەدەیەن!
ڕێکخراوی ڕێگای ئازادی
