لە چوارچێوەی كارەكانی كۆنگرەی 24ی وڵاتانی ئەندامی دادگای تاوانی نێودەوڵەتی لە شاری لاهای هۆڵەندا , تۆریی KONCICC بە هاوكاری رێكخراوەكانی دژ بە جینۆساید و چەك سمینارێكی لە رۆژی چوارشەمە رێكەوتی 3-12-2025 رێكخست , كە ژمارەیەك بەرچاو لە میوانانی بیانی لە باڵوێزی وڵاتان , بەرپرسی رێكخراوە جیهانییەكان و رۆژنامەنووسان و چالاكوانانی جینۆسایدی بیانی ئامادە بوون , بە یەكێك لە سمینارە سەركەوتووەكانی كۆڕبەندەكە داریكرا,لە رووی ئامادەكارییەوە , هاوكات نمایشی فلیم و پیشانگای كتێب و بڵاوكراوە كرا.
لە تەوەری یەكەم سێ قوربانی جینۆساید دارا محەمەد عەلی رزگاربووی زیندانەكانی دووبز و نگرە سەلمان , سۆنیا رزگاربووی جینۆسایدی شەنگال, لوقمان عەبدالقادر رزگاربووی كیمیابارانی شاری هەڵەبجە قسەیان كرد و چیرۆكی تراژیدی خۆیان گێڕایەوە , لە پانێڵی دووەم سالار مەحمود و خاتوو عەدالەت عومەر و هابیل حاجی ئەحمەد سەبارەت بە دۆسیەی ئەنفال , گۆڕی بە كۆمەڵی كورد لە عێراق, تێكشكاندنی داعش لە لایەن جەنگاوەرانی كورد و ئاوا كردنی مۆنمێنتی شەهیدانی پێشمەرگە لە مۆنمێنتی ئەنفال لە چەمچەماڵ قسەیان كرد, لە كۆتاییدا خواردن و شیرینی كوردی پێشكەش بە میوانەكان كرا.
هەموو ئەم چالاكیانە لە 15 ساڵی رابردوو لە سەر حیسابی خۆمان ئەنجاممان داوە, دوور لە هاوكاری دەرەكی بەڕێوە چووە.
