95
ئەمڕۆ شەش ساڵ بەسەر دەستگرکردنی شێروان شێروانیدا تێدەپەڕێت ….
ئەمڕۆ، 7ی ئۆکتۆبەری 2026، شەش ساڵ بەسەر دەستگیرکردنی رۆژنامەنووس شێروان شێروانی تێدەپەڕێت .
شێروان شێروانی لەدوای دەستگیرکردنی لە 7ی ئۆکتۆبەری 2020 سەرەتا بۆ 19 ڕۆژ فڕێندرا و بەدوایدا ژمارەیەک ڕۆژنامەنووس و چالاکوانێکی بادینان دەستگیر کرا، پاش چەند مانگێک لە دەستگیرکردنیان، دادگای تاوانی هەولێر ڕۆژی 16ـی شوباتی 2021 بە تۆمەتی “تێکدانی ئاسایشی نیشتمانی” حوکمی بەسەردا سەپێندرا .
سزادانی شێروان شێروانی و هاوڕێکانی لە ئاستی ناوخۆ و دەرەوەدا کاردانەوەی زۆر توندی لێکەوتەوە.
ڕێکخراوەکانی وەک لێبوردنی نێودەوڵەتی (Amnesty International)، کۆمیتەی پاراستنی ڕۆژنامەنووسان (CPJ)، ڕێکخراوی چاودێری مافی مرۆڤ (HRW)، و نوێنەرایەتی و کونسوڵخانەی وڵاتان لە هەرێمی کوردستان، ڕەخنەی توندیان لە بڕیارەکە گرت و پرۆسەی دادگاییکردنەکەیان بە “نادادپەروەرانە” و پشت بەستوو بە دانپێدانانی زۆرەملێ ناوبرد و داوای ئازادکردنی دەستبەجێیان کردن .
دواتر بە مەرسومێکی سەرۆکی هەرێمی کوردستان، سزاکەی شێروان شێروانی بە ڕێژەی 50% کەمکرایەوە. چاوەڕێ دەکرا لە ئەیلوولی 2023 ئازاد بکرێت، بەڵام لە مانگی تەممووزی 2023دا، بە تۆمەتی “ساختەکاری” دۆسیەیەکی نوێی بۆ کرایەوە. تۆمەتەکە ئەوە بوو کە لەناو زینداندا واژۆی لەبری زیندانییەکی تر (گوهدار زێباری) کردووە بۆ داواکارییەکی ئازادکردنی مەرجدار، هەرچەندە گوهدار زێباری لە دادگا گەواهی دا کە خۆی ڕێگەی پێداوە و ئاگادار بووە. بەم هۆیەوە دادگا 4 ساڵی تری زیندانیکردنی بەسەر شێروان شێروانیدا سەپاند (کە دواتر لە قۆناغی پێداچوونەوەدا ئەم سزایە کەمکرایەوە بۆ 2 ساڵ).
ئەمڕۆ شەش ساڵ بەسەر دەستگرکردنی شێروان شێروانیدا تێدەپەڕێت …. ئەمڕۆ، 7ی ئۆکتۆبەری 2026، شەش ساڵ بەسەر دەستگیرکردنی رۆژنامەنووس شێروان شێروانی تێدەپەڕێت . شێروان شێروانی لەدوای دەستگیرکردنی لە 7ی ئۆکتۆبەری 2020 سەرەتا بۆ 19 ڕۆژ فڕێندرا و بەدوایدا ژمارەیەک ڕۆژنامەنووس و چالاکوانێکی بادینان دەستگیر کرا، پاش چەند مانگێک لە دەستگیرکردنیان، دادگای تاوانی هەولێر ڕۆژی 16ـی شوباتی 2021 بە تۆمەتی “تێکدانی ئاسایشی نیشتمانی” حوکمی بەسەردا سەپێندرا . سزادانی شێروان شێروانی و هاوڕێکانی لە ئاستی ناوخۆ و دەرەوەدا کاردانەوەی زۆر توندی لێکەوتەوە. ڕێکخراوەکانی وەک لێبوردنی نێودەوڵەتی (Amnesty International)، کۆمیتەی پاراستنی ڕۆژنامەنووسان (CPJ)، ڕێکخراوی چاودێری مافی مرۆڤ (HRW)، و نوێنەرایەتی و کونسوڵخانەی وڵاتان لە هەرێمی کوردستان، ڕەخنەی توندیان لە بڕیارەکە گرت و پرۆسەی دادگاییکردنەکەیان بە “نادادپەروەرانە” و پشت بەستوو بە دانپێدانانی زۆرەملێ ناوبرد و داوای ئازادکردنی دەستبەجێیان کردن . دواتر بە مەرسومێکی سەرۆکی هەرێمی کوردستان، سزاکەی شێروان شێروانی بە ڕێژەی 50% کەمکرایەوە. چاوەڕێ دەکرا لە ئەیلوولی 2023 ئازاد بکرێت، بەڵام لە مانگی تەممووزی 2023دا، بە تۆمەتی “ساختەکاری” دۆسیەیەکی نوێی بۆ کرایەوە. تۆمەتەکە ئەوە بوو کە لەناو زینداندا واژۆی لەبری زیندانییەکی تر (گوهدار زێباری) کردووە بۆ داواکارییەکی ئازادکردنی مەرجدار، هەرچەندە گوهدار زێباری لە دادگا گەواهی دا کە خۆی ڕێگەی پێداوە و ئاگادار بووە. بەم هۆیەوە دادگا 4 ساڵی تری زیندانیکردنی بەسەر شێروان شێروانیدا سەپاند (کە دواتر لە قۆناغی پێداچوونەوەدا ئەم سزایە کەمکرایەوە بۆ 2 ساڵ). دۆسیە نوێیەکەی سەر ڕۆژنامەنوس “شێروانی” ئەگەر چی جارێکی تر نیگەرانییە ناوخۆیی و نێودەوڵەتییەکانی سەبارەت بە سەربەخۆیی دادگا و بەکارهێنانی یاسا بۆ سەرکوتکردنی دەنگی جیاواز لە هەرێمی کوردستان هێنایەوە بەر باس، بەڵام نیگەرانیەکان نەبووە هۆی ئازادکردنی ناوبراو و هێشتا لە زیندانەکانی هەولێردا ماوەتەوە بۆ تەواوکردنی ئەو سزایەی بەسەریدا سەپێندراوە .
دۆسیە نوێیەکەی سەر ڕۆژنامەنوس “شێروانی” ئەگەر چی جارێکی تر نیگەرانییە ناوخۆیی و نێودەوڵەتییەکانی سەبارەت بە سەربەخۆیی دادگا و بەکارهێنانی یاسا بۆ سەرکوتکردنی دەنگی جیاواز لە هەرێمی کوردستان هێنایەوە بەر باس، بەڵام نیگەرانیەکان نەبووە هۆی ئازادکردنی ناوبراو و هێشتا لە زیندانەکانی هەولێردا ماوەتەوە بۆ تەواوکردنی ئەو سزایەی بەسەریدا سەپێندراوە .
