12 کۆچبەر لە دەریای ئیجە گیانیان لەدەستدا

هاوپشتی: ئاژانسەکان 
جارێکی دیکە دەریای ئیجە بووەوە بە گۆڕستانی کۆچبەران و لە ئەنجامی دوو کارەساتی دڵتەزێنی جیاوازدا، ۱۲ کۆچبەر لە کاتی هەوڵدانیان بۆ گەیشتن بە ئەوروپا گیانیان لەدەستدا. ڕووداوەکان لە ماوەیەکی کەمدا لە نزیک دوورگەکانی لێسبۆس و سامۆسی یۆنان تۆمار کراون.
لە نزیک دوورگەی لێسبۆس، بەلەمێکی کۆچبەران لە کاتی ڕاوەدوونان و هەڵهاتندا بەیکی لە بەلەمی پاسەوانی دەریاوانی دا. بەو هۆیەوە شەش کەس خنکان کە چوار ژن، پیاوێک و کۆرپەیەکی ساوای تێدا بوو.
هاوکات لە نزیک دوورگەی سامۆس، بەلەمێکی تری کۆچبەران دوای مانۆڕێکی لەناکاوی پاسەوانان ژێرئاو کەوت. لەم ڕووداوەشدا شەش کۆچبەری تر گیانیان لەدەستدا و تا ئێستاش ناسنامەی قوربانییەکان ئاشکرا نەکراوە.
سەبارەت بە لایەنە یاساییەکان و هەنگاوەکان، دەسەڵاتداران قاچاغچییەکی تورکی تەمەن ٣٧ ساڵیان دەستگیرکرد. هاوکات تیمە ئەنیەکان ڕزگارکراوانیان بۆ نەخۆشخانەکان گواستەوە بۆ چارەسەری پزیشکی.
ڕێکخراوی نێودەوڵەتیی کۆچ (IOM) هۆشداری دەدات کە ڕێگاکانی کۆچ هێشتا مەترسیدارن. بەپێی ئامارە فەرمییەکان، تەنها لە سەرەتای ئەمساڵەوە زیاتر لە هەزار و ٢٠٠ کۆچبەر لە دەریای ناوەڕاستدا خنکاون یان بێسەروشوێن بوون.